وبــعــديـن يعني ؟؟؟؟

الـسلام عليـكم


شحالكم ^^



موضوع عيبني بصراحه يعكس واقعنا في الوقت الحالي



ماعاد صرت أشرب كوكا وكولا ولا بيبسي بالرغم من حبي لهم
بس حذرني صديق أنه ينظف التواليت بفاعليه
فكيف راح يكون تأثيره بمعدتي ؟؟؟

ماعاد صرت أروح سينما بالرغم من حبي للأفلام
لأن وصلني ايميل يحذر من وجود ابره
على المقعد ... تنقل فايروس الإيدز

ماعاد صرت استخدم بطاقة الصراف الالي بالشارع
بسبب ايميل ينبه من وجود جهاز ينسخ بطاقتي
والرقم السري ... وتروح فلوسك ياصابر

تركت استعمال مزيل العرق بالرغم من حاجتي له بالصيف
بس صديق حذرني أنه يسبب سرطان
والحمد لله .. ريحتي مو خايسه مره ... بس شويه

صرت أوقف السياره بأماكن آمنه فقط
حتى لو كانت بعيده عن المكان الي ابيه
لان شخص حذرني بايميل ان فيه ناس ترشك
بعطر قاتل ويسرقون سيارتك
صرت ما أرد على أي رقم غريب أبداً
لأن وصلني ايميل يحذرني ان المتصل يقدر يكلم على حسابي
وتجيني فاتوره بمبلغ خيالي لأبعد بلدان العالم واغلاهم سعراً
طبعاً أنسى اشرب شي من علبه ( قوطي ) معدني
برضو لأن صديق حذرني بايميل من وجود سم فيران
على غطا العلبه ... والروح وحده وانا اخوكم

اصبحت مدمن اشتراك بمواقع ومن كل جهه
لان وصلني ايميل يقولي ان الاشتراك فيها يدخلك سنويا
اكثر من 3 مليون دولار سنويا بمجرد اشتراككـ
ياسلاآآآآآآآآآآآآم



صدق هالرسايل اغلبها اشاعات


واذا تتذكرون سالفة العصابه اللي يقولون انها تنقل فيروس حق الاطفال


انتشرت مثل النار في الهشيم


واليهال حليلهم ماسمحولهم يظهرون من البيوت



اخرتها طلع كله خرط ميمع وماشي لاعصابه ولاهم يحزنون ...


...خويكمـ.. واللهـ نحبكـ يازايد :"وٍَدمَِـتًٍـم ساٍَِلمـَينـَِ":...

تسلم اخوي أماراتي ظبياني
على الرد وعلى الاهتماام المتواصل ولك جزيل الشكر والتقدير ^_*

والله وااايد رسااايل تووصلي تحذرني من وااايد أشياااء..

ما عرفنا الصرااحة اذا كان صدق ولا اشاااعااات..

تسلم أخوووي ع الطرح..ونتريا الزود منك..